من زمان الشوق فيني

من زمان الشوق فيني بس أنا مقدر أقول

ومن زمان أنت بخفوقي وانت الأول في عذابه

كل ما أقول أتكلم ينولد فيني فضول

وكل ما أقول أتصبر طحت في حيره وغرابه

لية انت ما تفكر لية أنا عندي خمول

هو برود أعصاب وإلا شايف حضرت جنابه

لا ياروحي أعجبك والله زين وعارف كل الأصول

بس أنا مقدر أعود لمعشر مسدود بابه

لا تتردد في كلامك ها أقول أو ما أقول

تكفى ياروحي تكلم ذاب قلبي في عذابه

وإذا خايف من جوابي يا حبيبي لك قبول

من الخفوق اللي تحمل كل مخاليب الذيابه

وما تواطت له عزيمه بالحكي إنه يقول

وما تراجع في كلامه مع كل اللي جرى به

من جروح ومن تصاويب وزعول

ومن كلام بالمحبه يفقد العاقل صوابه

أعرفك فهمان قصدي بس ما تبغى تقول

إنك إنت في حياتك عايش بوادي وغابه

كل هذي يامعود كلها شده وتزول

وتظهر علوم الخفايا وينجلي عنها سرابه

وإذا شفت بعيشتك رجال مسكين مهبول

هو صويب إنسان مثلك ما فهم معنى اللبابه



دايم انت في حياتك إمتردد أو عجول

حاول تحكم أمورك وخلك مواكب حضاره

وخذ مني هالنصيحه وإنتظر حتى تنول

كل ما في دنيتك حتى ترابه

يا حبيبي كل ما تصعد وترقى في حياتك في نزول

وكل ما تبني وتحلم في منامك هي سرابه

قول أحبك يا حبيبي تكفى قول

ترى صالح ما تعود يهمل طريق مشى به

ماشاء الله والله قصايدك روعه بس ليه مافي حد يرد ؟؟؟؟؟؟؟؟