فيني كلام ومنجرح من سكاتي

السلام عليكم ورحمة الله وبركاته

اتمني ان ترضيكم

فيني كلام ومنجرح من سكاتي

ولا لقيت لمشكلة صوتي حلول

من قبل اعرفه كانت اجمل حياتي

ماكان بالي مثله اليوم مشغول

ماكنت اهوجس بالليالي واحاتي

ماهمني وقتي وكل شي معقول

سمت المحبه مايناسب سماتي
لاغرني غرون ولا زين مجمول

والحين يومه صار عايش بذاتي

بدت معاناتي مع ليلن يطول

تبعثرت في داخلي امنياتي

مدري من اللي بالمعاناة مسؤول

اغليه لكن ماعرف وش غلاتي

عنده وانا مدري وش عيونه تقول

من كثر ماحبه عطيته حياتي

تبعت رغباتي على درب مجهول

الف شكر على الابيات الرائعة

قصيده في قمة الروعه والجمال
وزاد من جمالها الكلمات الحزينه التي تعبر عن احساس صادق وقلم راقي
بصراحه ابيات راقت لي
تقبلي خالص احترامي وتقديري
سمو المشاهده

» من زمان الشوق فيني
» كلام جميل لابل رائع