يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية
عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه
تعب قلبي والله ونحل عـــــــــودي
ياروحي كافي من الغرب عـــــودي
وتر الربابة انكطع وجنت اوتار عودي
كل الترانيم تكول وين بغداد الأبيــة
احبك واعتذر منك وناسف
جمال ابروحك امغربل وناسف
احط ابروحي تي ان تي وناسف
وافجر روحي اذا ماتمر علية
انت الصديق الذي لو مال الوكت مامال
يربطني بيك الوفه لا مصلحه ولا مال
انساك لحضه من الوكت لاتعتقد اهمال
لكن زماني صعب والوكت بيه اندار
مثل ظل النخل فوكاي ظليت
وعن دربك ترى مايوم ظليت
بعدك بس رسم عالكاع ظليت
واثر جفاك بعد بجف اديه
الخميس سبتمبر 30, 2010 8:27 pm
