تمنيتك تجي ليلة تبادلني فرح و أحزان
تخفف من عنا قلب جروحه من فعل يمناك
تمنيتك و لو لحظه تواسيني عن الحرمان
و أنا الهايم و لي قلب و لو لحظه عجز يسلاك
نسيت إني أحاسيس و مشاعر صادق و إنسان
و عهود للهوى كانت في ليل ما أظن يجفاك
في ليل قلت لي بأنك معي لو دارت الأزمان
معاك إن زانت الدنيا و حتى في الشقا وياك
و قلت إنك هوى بالي حياتي منوتي و إن كان
قسمت دنياك في ليلة فأنا ليك و أنا دنياك
و قلت القلب لو يعطى عطيتك قلبي الولهان
و روحي و كل ما أملك بها الدنيا تراه فداك
سوالف عشتها حلم بجانب طرفك النعسان
تصورتك مثل ماني تخيلتك ( حلم ما أحلاك )
و فجأة بان لي الواقع سراب و يطرده ضميان
تحطم داخل عيونه بقايا ليلك و مسراك
حقيقة للأسف ضاعت سنين العمر بالنكران
و نويت أنساك بالمرة و لكن ما قدرت أنساك
تلطف بي عسى ربي يردك للهوى شفقان
يردك تلطف بحالٍ يعيش اليوم في ذكراك
متى تقبل و أهلي بك هلا بعد حب كان
هلا بك كثر ما ينبض فؤادي للوصل جاك
دخيل الله تراعي و أنا لي مدة مرضان
و تشخيص المرض جرح غزير من فعل يمناك
الخميس نوفمبر 04, 2010 8:38 pm