--------------------------------------------------------------------------------
حبيبي تعال وبشوفك اكحل العين
ياللي بفرقتك ادمنت عالعن
صبح ومسا ياصاحبي العن
العن ابو البعد وفراق الاحباب
العن ابو البعد والزمن من دار
خلاني حاير اون وعقلي من دار
ليتنا نقول الصدق مانلف وماندور
وليت كل محبوب ماذاق العذاب
وليت كل محبوب لاقى وليفه
وليتني اطوي الحزن بيدي والفه
حبيبك دوم تقرب له ووالفه
تلقاه وقت الضيق يسهل الصعاب
وتلقاه وقت الضيق ضيقك يجنبه
لأن هو مجنون بيك وانت جان به
وعليك انت تكون دوم جنبه
بكثرماتحبه وتعده من الاقراب
بكثر ماتحبه وتعده وليفك
واقسم باللي يضيق الصدر واليفك
شكثر ودي اضمك بصدري والفك
والفك واوقف العمر بدون حساب
والفك واوقف العمر بضمتك ياناسي
لأن انت حبيبي واغلى ناسي
ولني ابد ما اكون لمحبتك ناسي
ياللي قربك ينسيني الصعاب
وياللي بقربك احلى ايام عمري
تعشعشي يامحبته بقلبي وعمري
ياغالي انت واغلى من عمري
اعرف ان قلبي مشرعلك الابوب
واعرف ان قلبي بامرك وكيفك
ياللي منيتي بس لمسة كفك
انكان احناني مارواك وماكفاك
تعال وكل حبي لرواتك مزهبه زهاب
بس تعال وكل كلي لك ملك
ياللي سيدتك على روحي ملك
ترى قلبي سجلته باسمك ملك
ملكت قلبي وسكنته بدون اسباب
ملكت قلبي وكلي لك اصلي
ياللي معدنك مثل الذهب اصلي
تراني دوم اطلب من ربي واصلي
يخليني جنبك يااغلى الاحباب
يخليني جنبك ومتهني بوصلك
واذا ماتقدرتصل لي اني اوصل لك
وانا ادري انا الوفا والطيب اصل لك
بطيب اصلك تكفى لاتخلي لك غياب
وسلامتكم
دمتم بود
تحياااااتي
سمو المشاهده
الخميس أكتوبر 14, 2010 12:03 pm